პარაფინის თერაპია

პარაფინის თერაპია ანუ პარაფინის დამათბობელი კომპრესი ცნობილია სამკურნალო თვისებებით. პროცედურა სხეულის სხვადასხვა ნაწილზე კეთდება. ის კვებავს და ატენიანებს კანს, ანელებს დაბერების პროცესს, ხსნის შეშუპებებს.

პარაფინის თერაპია იწყება ხელის სკრაბით გასუფთავებით. ერთ ხელზე პროცედურას ვიტარებდი და მეორეთი ვიღებდი, ამიტომ ვიდეოები მთლად კარგი ვერ გამომივიდა, თუმცა კარგად ჩანს როგორ კეთდება პარაფინი.

სკრაბის შემდეგ ხელზე ისვამთ კრემს და ხელს პარაფინის ჯამში ყოფთ, რომელიც ძალიან ცხელია.

ხელები დაახლოებით ნახევარი საათი მქონდა შეფუთული, ამის შემდეგ პარაფინი ჩვეულებრივ მომხსნეს და კრემი წამისვეს.

პროცედურის შემდეგ ხელები ნამდვილად დამირბილდა, თუმცა დიდად არ განვასხვავებ კარგი ხელის კრემით მიღებული შედეგისგან.

პარაფინის თერაპია 10-14 დღეში ერთხელ არის რეკომენდებული.

რეკომენდაციები ლაზერული ეპილაციის შემდეგ

image.ashx1. 7-10 დღის განმავლობაში ნუ მიიღებთ მზის აბაზანებს ეპილაციიდან 20 დღის განმავლობაში. მზეზე გასვლის წინ კანი დაფარეთ მზისგან დამცავი  კრების თხელი ფენით დამცავი ფაქტორით SPF20-30 მზეზე დიდი ხნით ყოფნისას. კრემის ფენა განაახლეთ ყოველ 2 საათში.

2. თუ კანზე ჰიპერმია ანუ სიწითლე შეიმჩნევა 2 საათის შემდე გამოიყენეთ უზნაძის, თურმანიძის მალამო ან პანტენოლის აეროზოლი.

3. ჰიგიენის არასათანადოდ დაცვისას შესაძლებელია, კანზე წარმოიქმნას ჩირქოვანი გამონაყარი. ამ შემთხვევაში, გამოიყენეთ სინტომიცინის ან გენტამიცინის მალამო.

4. მკურნალობის კურსის შუალედში არ შეიძლება თმების მოშორება სხვა საშუალებით (გაპარსვა, ვაქსაცია და სხვა).

5. ეპილაციიდან მე-3, მე-4 დღეს ნამკურნალებ ადგილას, შეიძლება ამოიწვეროს თმის ღერები, რაც ლაზერის სხივით დაშლილი თმის ძირებიდან მოცილებულ თმებს წარმოადგენს. მათი მოშორება შეიძლება პინცეტით. ნიკაპის მიდამო სუფთავდება 7-10 დღეში, იღლია – 2 კვირის განმავლობაში, ბიკინის ზონა – 3-4 კვირაში, ბარძაყები და წვივები – 4-5 კვირაში.

რეკომენდაციები მომზადებულია “ესთეტიკ სერვისის” მიერ

შინაური მეთოდით დამზადებული კრემის ნაკლი და უპირატესობა

მიუხედავად მაღაზიებში ფართო არჩევანისა, ბევრი ისევ შინაურულად მომზადებულ კრემებს არჩევს. ამ თემაზე რამდენიმე შეკითხვას დერმატოლოგ-კოსმეტოლოგი რუსუდან კახიძე პასუხობს.

  1. რა უპირატესობა აქვს შინაურულ კრემებს?
პირველ რიგში, ალბათ უფრო ფასი ხიბლავთ ქალბატონებს. მეორეც, ნდობის ფაქტორი მეტია.

უპირატესობა არის ის, რომ ასეთი კრემი მორგებულია კონკრეტულ ადამიანს.

როდესაც ბრენდის კრემს მოიხმარს ადამიანი, მას უწევს რამდენიმე კრემის ხმარება, სანამ ამოარჩევს იმას, რაც უხდება მის კანს. საკმაოდ ძვირადღირებულია ეს ბრენდული კრემები, ამიტომ დღევანდელი სოციალური ფონიდან გამომდინარე ქალბატონებს არ შეუძლიათ მოსინჯონ და ამოარჩიონ ამ დიდი არჩევანიდან. მე ლაპარაკი მაქვს უმრავლესობაზე, რა თქმა უნდა, არიან ერთეულები ვისაც შეუძლია თავის თავს მისცენ ამის უფლება და აირჩიონ ეს ძვირადღირებული ბრენდები, მაგრამ რაც შეეხება კოსმეტოლოგების დამზადებულ კრემებს ძველი რეცეპტებით, ძალიან კარგი რეცეპტებით დამზადებული, ფუძე ყველას აქვს ძირითადად ერთნაირი, ნუ კლასიკური ფუძე ასე ვთქვათ, რომელიც სპერმაცევტს შეიცავს, ეს არის საკმაოდ კარგი ნივთიერება კანისთვის, იოლად შეღწევადი და ის მკვებავი ნივთიერებები და ეთერზეთები ძირითადად შედის კრემების შემადგენლობაში, ადვილად შეაღწევს კანის უჯრედებში და კვებავს სათანადოდ და ატენიანებს კიდეც, გააჩნია როგორი შემადგენლობისაა ეს კრემი.

პირადად მე, როცა რაღაც მომენტებში ვაძლევ თავს უპირატესობას ჩემს მიერ დამზადებულ კრემებს, მე ვიცი ზუსტად რა შემადგენლობა არის და რამდენად დადებიტად მოქმედებს ეს კანზე და ხშირად, მე არ მაქვს ლაპარაკი ძვირადღირებულ ბრენდებზე, მაგრამ იაფიანი კრემები, რომლებიც ფართოდ არის შემოსული პარფიუმერიულ მაღაზიებში, ხანდახან მაგალიტად სპერმაცეტის აწერია და ამ დროს არ შეიცავს სპერმაცევტს და დამზადებულია ლანოლინის ფუძეზე. ლანოლინი უარყოფითად მოქმედებს ხანგრძილვად ხმარების დროს, ხელს უწყობს თმიანობას და ა.შ.

არის შეჩვევის მომენტიც: ადამიანი ეჩვევა და მოსწონს ეს კრემი, აწყობს ყველანაირად. კანსაც უხდება, კარგი მოქმედება აქვს, არბილებს, ატენიანებს, კვებას და ა.შ. ზოგირთ კრემს ნაოჭსაწინააღმდეგო ჩვენებაც აქვს, გააჩნია რისგან არის დამზადებული. ხშირად არის ხოლმე რომ ბრენდული, ძალიან ძვირადღირებული და კარგი კოსმეტიკა იწვევს ალერგიულ რეაქციებს. ეს არ ნიშნავს, იმას, რომ ეს ცუდი კოსმეტიკაა. არის უბრალოდ არის ისეთი ნივთიერებები, რომლებიც ინდივიდუალურად იწვევს ალერგიულ რეაქციას, აუტანლობას და ასე შემდეგ.

  1. რა ნაკლი აქვს ასეთ კრემებს?

ნაკლიც შეიძლება ჰქონდეს ბევრი, იმიტომ რომ დამზადების ტექნოლოგია, რა თქმა უნდა, ბრენდულ კოსმეტიკას უფრო მაღალხარისხიანი აქვს, ვიდრე სახლში დამზადებულ კრემებს. ბრენდული კრემები უფრო დიდ შეფუთვაშია და ამდენად უფრო დიდხანს აქვს ხოლმე ვადა და შენახვაც უფრო ადვილია.

სახლში დამზადებულ კრემებში ძალიან დიდი მნიშვნელობა აქვს, თვითონ ადამიანის კეთილსინდისიერებას, ანუ რამდენად კარგად აქვს დამზადებული და რამდენად კარგი მასალა არის გამოყენებული. ხშირად ფასის გამო ზოგიერთი ალტერნატიულ საშუალებებს ხმარობენ, შეიძლება ძვირადღირებული ზეთი არ იხმაროს და იაფიანი გამოიყენოს ადამიანმა კრემისთვის, არის ეთერზეთები, რომლებიც არის ქარხნული და ძვირადღირებული და ოჯახში გამოყვანილი და იაფი. ამდენად ეს ყველაფერი თავის გავლენას ახდენს კრემის ხარისხზე და მის მოქმედებაზე.

თუმცა მხოლოდ  კეთილსინდისიერება არ არის საკმარისი. ზოგიერთ კოსმეტოლოგს აქვს ძველი რეცეპტი და ჩვეულებრივ კლასიკურ მკვებავს ამზადებს. ზოგიერთი სულ აახლებს თავის კრემს და ახალ–ახალ რაღაცებს ამატებს, რაც არის საუკეთესო შემოსული ბაზარზე.

ერთ დროს საერთოდ არ იხმარებოდა ყურძნის წიპწის ზეთი, დღეს ფართოდ გამოიყენება, იმიტომ რომ შესწავლილია ამ ზეთის თვისებები და მისი მოქმედება კანზე და კანის უჯრედების განახლებაზე. ასევე სხვადასხვა შემადგენელი კომპონენტები, რომლებიც ფართოდ არის დღევანდელ კოსმეტიკურ ბაზარზე , ეს ნივთიერებები შედის ბრენდულ კოსმეტიკაშიც და სახლში დამზადებულ კრემებში შეიძლება იყოს საკმაოდ კარგი, ძვირადღირებული ჟოჟობას, არგანას და ა.შ. ზეთები. პირველ რიგში, მაინც თვითონ დამამზადებელზეა დამოკიდებულლი როგორი იქნება ეს კრემი.

  1. რისგან მზადდება შინაურული კრემები?

ძირითადი არის სპერმაცევტი, კაკაოს ცხიმი და  თაფლის სანთელი. ესაა ძირითადი ფუძე, მერე უკვე მიდის  სხვადასხვა ნივთიერებების დამატება. წყალი შედის, ზეთები შედის და ა.შ.

  1. როგორ პირობებში უნდა შეინახონ კრემი?

კრემი გრილ ადგილას უნდა შეინახოს და ალბათ, რამდენიმე თვე მაინც ექნება მოქმედების ვადა.